ದೂರ ದೂರ ಹೋದರು ನೀನು.. ....

ದೂರ ದೂರ ಹೋದರು ನೀನು,
ದೂರವಾಗುವುದೇ ನಿನ್ನ ನೆನಪು,
ಇನ್ನು ಉಸಿರಾಟವು ಕಷ್ಟವೇನೆ,
ಮುಂದೇನು ಊಹಿಸಲು ಕಷ್ಟವೇನೆ,
ನಾ ಹೀಗಿದ್ದರೆ ಇಷ್ಟವೇನೆ.. ??

ಇಲ್ಲ ಇಲ್ಲ ಯಾರು ಇಲ್ಲ,
ನೀನೆ ಇಲ್ಲವಾದ ಮೇಲೆ,
ಇನ್ಯಾರ ಕದ್ದು ನೋಡಲಿ ನಾ.. ??

ಸಮಯ ಬೇಗ ಕಳಿಯುತ್ತಿಲ್ಲ,
ಸೋನೆ ಮಳೆಯು ಸುರಿವ ವೇಳೆ,
ಇನ್ಯಾರ ಜೊತೆ ನೆನೆಯಲಿ ನಾ.. ??

ಮಾತು ಮೌನ ಒಂದಾದರೆ,
ಕಣ್ಣೀರಿಗೂ ಬೆಲೆ ಇಲ್ಲವಾದರೆ,
ಎದೆ ನೋವ ಹೇಗೆ ತೋರಿಸಲಿ ನಾ.. ??

ಆಗೋದೆಲ್ಲ ಏನೆ ಆದರು,
ಪ್ರೀತಿಗೆಂದು ಸಾವಿಲ್ಲವೆನ್ನುವರು
ಇನ್ನು ಯಾವ ನೀತಿ ಕೇಳಿಸಲೇ ನಾ.. ??

ಯಾರಿಗೂ ಹೇಳದೆ , ನನ್ನೆಡೆಗೆ ಬಂದಿರುವೆ …

ಯಾರಿಗೂ ಹೇಳದೆ , ನನ್ನೆಡೆಗೆ ಬಂದಿರುವೆ

ನನ್ನನ್ನು ಮರೆಸಲು , ಒಲವನು ನೀಡಿರುವೆ

ಈ ದಾರಿ ಬದಲಾಯಿತು, ನೀ ಕಂಡಾಗಲೇ
ಈ ಮುನ ಹೆಚ್ಚಾಯಿತು, ನೀ ಸಿಕ್ಕಗಾಲೆ…. ಇರಲಿ ಎಲ್ಲ ಹೀಗೆಯೇ

ಯಾರಿಗೂ ಹೇಳದೆ , ನನ್ನೆಡೆಗೆ ಬಂದಿರುವೆ



ಪ್ರೀತಿ ಸಂಧಿಸಲು , ನನ್ನೊಳಗೆ ಬಂಧಿಸಲು , ಈ ಅವಸರಕೆ ಇಲ್ಲ ತಡೆ
ಭಾವ ಮಿತಿ ಮೀರಲು , ನೀ ನೆನಪಾಗಲು , ನೀನೆ ಕಾಣುವೆ ಎಲ್ಲ ಕಡೆ
ಪ್ರೀತಿ ಮಳೆ ಬೀಳಲಿ , ಮೆಲುವಾಗಿ ಸೋಕಲಿ …. ಇರಲಿ ಎಲ್ಲ ಹೀಗೆಯೇ


ಶುರು ಮಾಡಲು ಕಾರಣ ನೀನಾದರೆ, ಮುಂದುವರೆಸಲು ನಾ ಕಾಯುವೆ
ತೋಚದೆ ಏನು ನೀ ನಿಂತರೆ, ಬಿಡಿ ಬಿಡಿಸಿ ನಾ ತಿಳಿಸುವೆ
ಮನಸು ಹಾಗುರಾಯಿತು ,ನೀ ತುಂಬಿರಲು …. ಇರಲಿ ಎಲ್ಲ ಹೀಗೆಯೇ